«®°·.¸.•°° منتدى احلآم بنآت °°·.¸.•°®»
أهڷاً وَسهـڷاً بكِ ,
ٳذآ ڪآنَتْ هذہ أۈڵ ڗيآرۃ ڷڪِ ۉ ٺوڍيـטּ آلـﭡـڛـפـيڷ
فِيْ صَرכـنآ أضغطـے عَلـے 'تَڛجيلْ' ,
أمآ إذـآ ڪُنتِ ۈآحِدَهْ مِنْ مُبڍ۶ـآتُڼآ
ۈٺـوديـטּ آڷڍכֿـۋڵ ڶڶمُـטּـٺڍـے
ٳضغَطِـے عَلے 'دُخول'




منـتدى لآتستطيع الحروف وصفه....وهو للبنآت فقط
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

  يعني ايه فيس بوك؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مايلى
المديره
المديره
avatar

تاريخ التسجيل : 25/07/2011
الموقع : مصر

مُساهمةموضوع: يعني ايه فيس بوك؟    الأحد أغسطس 14, 2011 9:01 am

يعني ايه فيس بوك؟

يعني لما واحدة تتعلم الطبيخ وتيجي تدوق أكلها وتلاقيه حلو أوي تجري ع الفيسبوك

وتكتب ستاتس : أنا فظييييييييييييييعة!

والمطلوب منك إنك تستنج سر الفظاعة





يعني ايه فيس بوك؟

يعني إنك تعيش فيها شوية وتحس بقيمتك ..
اللي يضايقك تعمله دليت وبلوك .. وكدة بقى مش موجود .
اللي يكتب كومنت سخيف .. أمسحه بالكومنت على طول .
اللي بيستظرف أو اللي مش نازلك من زور دخله تعمله اجنوووور.






يعنى ايه فيس بوك

..
- يعني تلاقى واحد يبقى حاطت على بروفايله صورة مغلق للأمتحانات
ويبقى فاتح 24 ساعة
- يعنى تلاقى واحد اسمه حسام ميسى و حاطت صورته
وهو لابس تي شيرت ريال المدريد
يعنى تلاقى واحد كاتب فى البروفايل بتاعه انه مدرس عربى وتلاقيه كاتب
" بموت فى السراحة واعشق الرومانصية " تعليم مجانى







يعني ايه فيس بوك؟؟

يعني إنك تكتب ستاتس .. وتبص عليها كدة من بعيد وتقول "ايه يا واد العبقرية ديه" ..

تروح عامل لايك!!!






يعني ايه فيس بوك؟

يعني إنك تعرفنا تقريرك اليومي لشخصك المبجل ..
"أنا قررت استحمى النهاردة يا جماعة" !







يعني ايه فيس بوك؟؟

يعني شباب فاضي فاكر إنه مكافح ..
شباب عاطل فاكر نفسه مثقف ..
شباب مالوش لازمة .. بقالهم لازمة ..






يعني ايه فيس بوك؟


يعني لما صفحة تتعمل وتنجح .. تلاقي 5 مليون صفحة طلعت زيها وبتقلدها ..
وكل واحد حسب فكره ..
عندك على سبيل المثال .. صفحة "بس يا سيدي وقامت معيطة" ..
قامت فتاة .. بتحويلها "بس يا سيدي وقام معيط" ..
ثم قام واحد تاني بتحويلها لــ "بس يا سيدي روحت لاقيت نفسي في كلية البترول"
ثم ظهر رد فعل عبثي رائع .. "بس يا سيدي وقام عمل ريبورت للصفحة"






يعني ايه فيس بوك؟


يعني إنك لما تحب تشتغل في البشر تعمل صفحة يتيمة تشتم وتسب وتلعن في اي حاجة ..
عشان تلاقي 5000 أهطل عمل مليون صفحة للرد عليها !
والأظرف أن تجد كل كارهي الصفحة يدخلوها ليطلبوا من الآخرين الخروج منها !






يعني ايه فيس بوك؟

يعني سبوبة لناس وشهرة لناس وبيزنس لناس ..

بكرة حفلة توقيع ديواني الأول "خواطر مصري مهيس"

بكرة هطلع على إذاعة مدغشقر الرسمية .. اسمعوني







يعني ايه فيس بوك؟

يعني مولد وصاحبه غايب ..
يعني ناس بتتريق ع الدين ..
وناس بتدافع عنه ..
ناس عايزة تحرق الفقرا ..
وناس عايزة تقتل الأغنيا ..
ناس بتشجع الأهلي ..
وناس ملهاش في الكورة ..
ناس بتعبد عمرو دياب ..
وناس هتموت علي تامر حسني .:







يعني ايه فيس بوك؟

يعني إنك لما تقبل صداقة حد ييجي يكتبلك ع الوول شكراً ع الإضافة !
يعني حد يضيف واحدة ولما تسأله عن سبب الإضافة يقولها أصلي افتكرتك سينجل !
يعني -إنت كشخص بياناتك واضحة- لما تقبل صداقة بروفايل وهمي , ييجي بعدها يسألك إنت مين؟ :20:






يعني ايه فيس بوك؟

يعني انك تكتب نوت وتنام ..
تصحى تلاقي ناس شغالة بتشتم بعض في التعليقات !
(يلا يا حبيبي انت وهو .. كله على بروفايله .. هنرش مية)







يعني ايه فيس بوك؟


يعني تظبيط بنات ..
بتحبي مين من المطربين؟
انتي عارفة إنك فيكي كتير مني !
انتي حبيتي قبل كدة؟
أنا معطلك عن حاجة؟






يعني ايه فيس بوك؟

يعني البنت تبدأ تحط صورتها لما يفوتها قطر الجواز .







يعني ايه فيس بوك؟

يعني واحدة تيجي تقول : أنا هنتحر يا جماعة !
وكله ييجي يهدي فيها عشان تعقل
ماعدا حد بحترمه جداً ممكن يكتب : هتوحشينا !







يعني ايه فيس بوك؟

يعني حد يكتب ستاتس : والدي توفى اليوم!

ويروح ييجي واحد يعمل لايك !






يعني ايه فيس بوك؟

يعني إنك لما تكتشف إن اللي قارفك في عيشتك بتعليقات خنيقة ممكن يطلع ..

أخوك .
أو صاحبك .
أو إنت نفسك !






يعني ايه فيس بوك؟

يعني إنك تحس إن اللي حواليك كلهم متنورين , معارضين , مثقفين !
تطلع للشارع تلاقي عكس الكلام ده ..

وغالباً العكس ده بييجي من نفس مثقفي الفيسبوك !
:





يعني ايه فيس بوك؟

يعني إنك تحب فتاة لأيام وشهور ولو متخلف عقلياً ممكن نقول سنين كمان !
ترفض لقائك لأنها محترمة .
تضع لها صوراً كثيرة لتؤكد على شخصيتها
أو ترفض أن توريك صورتها لأنها محترمة !
وترفض أن تعطيك رقم المحمول لأنها محترمة !
وفي الآخر تطلع واحد صاحبك بيشتغلك اشتغالة محترمة






يعنى ايه فيس بوك ؟

يعنى تلاقى واحد بيسال بنت هو انتى عند ايميل
امال داخله بكارنيه التامين الصحى مثلا






يعنى ايه فيس بوك

يعنى تلاقى بنت عندها 11 سنه كاتبه على البروفايل بتاعها

<محدش بيتجرح اوى الا لما تحب اوى>
تيجى صاحبتها اللى عندها 12 سنه تقولها
<عندك حق بس مافيش حد يستاهل>
فترد عليها وتقول <بس الحياة صعبه اوووووووى>
هنا بقى تيجى دوى كبيرة الشله واللى عندها 14 سنه
وتقولها <معلش يا حبى بس الحياة تجااااارب>






يعنى ايه فيس بوك

يعنى بنت امورة تدخل تقول <انا اتخطبت>
فيرد عليها واد جنتل يقولها
<وليه كدا يا لولو دا انا كلمتك الاول>
يقول التانى< مبروك يا لولو ولو انى....يلا كل شىء نصيب>
يقول التالت <يا خسارة دا انا كنت خلاص هفاتحك>
............................................
تدخل لولو تانى يوم تقول< يا جماعه مش تقلقوا انا قصدى اتخبطت بس كتبتها غلط>







وهى دى العيشه على الفيس بوك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamelbanat.alamontada.com
ρяϊŋςêšš
المديره
المديره
avatar

تاريخ التسجيل : 25/07/2011
الموقع : فـي ارض الله

مُساهمةموضوع: رد: يعني ايه فيس بوك؟    الأحد سبتمبر 11, 2011 10:41 am

مششكورة عاالموضوع
منجد يضحگ خاصة استاذ العربيه ههههه
تقبلي مروري

[URL=http://www.7kawina.com/up/][/url]
<P> </P>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مايلى
المديره
المديره
avatar

تاريخ التسجيل : 25/07/2011
الموقع : مصر

مُساهمةموضوع: رد: يعني ايه فيس بوك؟    الأحد سبتمبر 11, 2011 8:51 pm

نورتى يا عسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamelbanat.alamontada.com
Coċα colα
عضوه جديده
عضوه جديده
avatar

تاريخ التسجيل : 12/09/2011

مُساهمةموضوع: رد: يعني ايه فيس بوك؟    الإثنين سبتمبر 12, 2011 12:21 am

خخخخخخ
يسسلمو قلبووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مايلى
المديره
المديره
avatar

تاريخ التسجيل : 25/07/2011
الموقع : مصر

مُساهمةموضوع: رد: يعني ايه فيس بوك؟    الإثنين سبتمبر 12, 2011 2:44 am

نورتى يا قمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlamelbanat.alamontada.com
 
يعني ايه فيس بوك؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
«®°·.¸.•°° منتدى احلآم بنآت °°·.¸.•°®» :: «®°·.¸.•°° الاقسام الترفيهيه °°·.¸.•°®» :: قسم الضحك و الفرفشه-
انتقل الى: